Hytaý we Malaýziýa bitewi durmuşy bolan ýokary derejeli strategiki bileleşigi döretmek hakynda bilelikdäki beýannamasyny neşir etdiler
Hytaý we Malaýziýa bitewi durmuşy bolan ýokary derejeli strategiki bileleşigi döretmek hakynda ylalaşdylar. Bu barada HHR-iñ Başlygy Si Szinpiniñ Malaýziýa amala aşyran döwlet saparynyñ netijeleri boýunça neşir edilen iki ýurduñ bilelikdäki beýannamasynda aýdylýar.
Strategiki utgaşdyrmanyñ pugtalandyrylmagyna uly üns bermäge meýilleşdirilýär. Iki ýurt toplumlaýyn, utgaşdyrylan we biri-biriniñ üstüni dolýan ösüşe ýardam bermegi, düýpli önümçilik we üpjünçilik zynjyrlaryñ integrasiýasyny gazanmagy, şeýle hem maýa goýum hyzmatdaşlyga, elektron söwdasyna hem-de täze energiýa çeşmelerini ösdürmäge üns bermegi maksat edinýär.
Şeýle hem, ileri tutulýan ugurlaryñ arasynda ynsanperwer gatnaşyklaryñ pugtalandyrylmagy, Günorta-Hytaý deñzinde parahatçylygyñ we durnuklylygyñ üpjün edilmegi hem-de sebit hyzmatdaşlygyny, şol sanda ASEAN, APEC ýaly bileleşikleriñ çäklerinde ösdürilmegi, şeýle hem beýleki köptaraplaýyn gurallaryñ, şol sanda BMG-niñ, Bütindünýä söwda guramasynyñ we Bütindünÿä saglygy goraýyş guramasynyñ çäklerinde utgaşdyrmanyñ pugtalandyrylmagy bar.
ORIENT news
