Ekspo-2025 sergisinde Türkmenistanyň Milli güni: “Türkmenaragatnaşyk” Agentliginiň wekilleri ýurduň pawilýony bilen tanyşdyrdylar
Şu gün, 14-nji aprelde Ýaponiýanyň Osaka şäherindäki “Ekspo-2025” Bütindünýä sergisiniň çäklerinde Türkmenistanyň Milli güni geçirildi. Bu gün myhmanlar dürli pudaklardaky, şol sanda ulag we aragatnaşyk ulgamlarynda ýurduň baý medeni mirasyny, gazananlaryny we maksatlaryny şöhlelendirýän Türkmenistanyň pawilýonyna aýratyn üns berdiler.
Görkeziliş çärelerine “Türkmenaragatnaşyk” Agentliginiň we ulag-kommunikasiýa toplumynyň wekilleri işjeň gatnaşdylar. Olar gelen myhmanlara logistika, telekommunikasiýalar, sanly tehnologiýa we durnukly ulag infrastruktura babata möhüm başlangyçlar barada gürrüň berdiler. Türkmenistanyň pawilýonynyň sergisi milli däp-dessurlaryň we häzirki zaman inženerçilik çözgütleriň sazlaşykly utgaşdyrylmagynyň netijesinde halkara köpçülikde gyzyklanma döretdi. Yklymüsti ulag geçelgeleriniň emele gelmeginde we sebitiň sanly integrasiýasynda ýurduň strategiki ornuna aýratyn ähmiýet berildi.
Türkmenistanyň ulag-kommuniksiýa toplumynyň Ekspo-2025 sergisine gatnaşmagy işewürlik aragatnaşyklaryň giňeldilmegine, halkara hyzmatdaşlygyň ösdürilmegine hem-de global giňişlikde ýurduň innowasion kuwwatynyň ilerlemegine ýardam berýär.
Ozal habar berşimiz ýaly, “Türkmentelekom” EAK-nyň hyzmatlaryny birikdirmek üçin onlaýn-ýüztutmany dolduryň.
