Çendu bilen Merkezi Aziýanyň arasynda bellenen tertip boýunça ýük otlulary hereket edip başlady
2025-nji ýylyň 13-nji aprelinden Hytaýdaky Çendu şäheriniň we Merkezi Aziýanyň arasynda bellenen tertip boýunça ýük otlulary hereket edip başlady. Çenduny Özbegistanyň Daşkent şäheri bilen birleşdirýän bu ugur halkara demir ýol gatnawynda möhüm ädim bolup durýar.
47 wagondan ybarat bolan birinji otly durmuş tehnikasy we beýleki harytlar bilen ýüklenendi, onuň girizilmegi bolsa bu ugurdaky yzygiderli gatnawlaryň başlangyjy boldy. Otly Horgos gözegçilik-geçiş nokadyndan serhedi kesip, 4800 km aralygy geçmek bilen, takmynan, 10 günden barmaly nokadyna ýeter. “Hytaýyň demir ýollary” korporasiýasynyň Çendu bölümçesiniň maglumatlaryna laýyklykda, bu ugurdaky yzygiderli gatnawlar ýekşenbe günlerinde amala aşyrylar. Munuň özi Hytaýyň günorta-günbatar sebitleriniň we Merkezi Aziýanyň arasynda ep-esli derejede logistikany we ýük daşamalaryň durnuklylygyny gowulandyrar. Çenduda we Merkezi Aziýada harytlara bolan isleg öz arasynda biri-biriniň üstüni dolýar. Bu hem şeýle ýük otlulara bolan zerurlygy döredýär. Geljekde sowadyjy zynjyr logistikasy we serhetüsti elektron söwdasy üçin ýörite otlularyň döredilmegi meýilleşdirilýär.
2025-nji ýylyň biriji çärýeginde Hytaý bilen Merkezi Aziýanyň arasynda ýük otlularyň 3582 gatnawy amala aşyryldy. Bu bolsa geçen ýylyň şu döwri bilen deňeşdirilende, 25,5% köpdür.
ORIENT news
