2031-nji ýylyň Aziýa Kubogyny geçirmeklige dalaşgärleriň täzelenen sanawy bilen tanyşdyryldy
Aziýanyň futbol konfederasiýasy (AFK) 2031-nji ýylyň Aziýa Kubogyny geçirmeklige dalaşgärleriň täzelenen sanawyny mälim etdi. Ozal ýaryşy geçirmek üçin öz arzalaryny Awstraliýa, Indoneziýa, Günorta Koreýa, Kuweýt, Birleşen Arap Emirlikleri hem-de Özbegistan, Täjigistan we Gyrgyzystan bilelikdäki arzasyny tabşyrdy. Indi bu sanawa Hindistan hem goşuldy.
Bu barada Aziýanyň futbol konfederasiýasynyň Kongresiniň 35-nji mejlisiniň öňüsyrasynda geçirilen duşuşykda AFK-nyň prezidenti şeýh Salman bin Ibragim Al Halifa habar berdi.
Bu waka aýratyn ähmiýete eýedir, çünki Aziýanyň Kubogy 1956-njy ýyldan bäri geçirilýän Aziýanyň milli ýygyndylarynyň esasy futbol ýaryşydyr. Aziýanyň Kubogynyň hiç haçan Merkezi Aziýada geçirilmändigini bellemelidiris.
ORIENT news
