TDHÇMB-da söwdalaşyklar: gurluşyk materiallaryna, “Türkmennebit” Döwlet konserniniň önümlerine isleg bildirildi
12-nji aprelde, şenbe güni, Türkmenistanyň Döwlet haryt çig-mal biržasynda geçirilen söwdalaşyklaryň dowamynda gurluşyk materiallary ýerlenildi.
Türkiýe Respublikasynyň telekeçileri Türkmenistanyň işewür toparlarynyň wekilleri bilen “PS400-G0-K”, “PS400-G20-K” hem-de “PS500-G0-K” kysymly portlandsementi satyn almak boýunça geleşik baglaşdylar.
Söwdalaşyklaryň netijesinde umumy bahasy 5 320 000 ABŞ dollaryna barabar bolan 1 geleşik baglaşyldy.
11-nji aprelde, anna güni, türkmen telekeçileri “Türkmennebit” Döwlet konserni bilen “BND 60/90” kysymly ýol bitumyny we “TPP D 30 S” kysymly polipropileni satyn almak boýunça geleşik baglaşdylar.
Söwdalaşyklaryň netijesinde umumy bahasy 8 500 000 manada barabar bolan 2 geleşik baglaşyldy.
Türkmenistanyň Döwlet haryt çig-mal biržasyndaky kesilen nyrhlar bilen şu salgyda tanşyp bolýar.
ORIENT news
