Gazagystan Türkmenistanda gaz geçirijisiniň gurluşygyna gatnaşmak mümkinçiligine garaýar
Mart 21, 2025 | 10:50 |7434
Gazagystanyň QazaqGaz milli kompaniýasy “Türkmengaz” kompaniýasynyň topary bilen iri energetika taslamalary durmuşa geçirmek barada gepleşikleri alyp barýar.
Gazagystanyň Energetika ministrligine salgylanyp, “LS”-yň habar bermegine görä, taraplar “Türkmenistan-Owganystan-Pakistan-Hindistan” (TOPH) magistral gaz geçirijisiniň gurluşygyna gatnaşmak mümkinçiligini ara alyp maslahatlaşýarlar.
Mundan başga-da, hyzmatdaşlygyň çäklerinde Türkmenistanyň Galkynyş iri gaz känini özleşdirmek meselesine garalýar.
Gepleşikler iki ýurduň arasyndaky hyzmatdaşlygy pugtalandyrmaga hem-de sebitde energetika infrastrukturasyny ösdürmäge gönükdirilendir.
