Türkmenistanyň Baştutanynyň adyndan 143 müňe golaý birinji synp okuwçylaryna kompýuterler sowgat berler
Mart 21, 2025 | 06:05 |6816
1-nji sentýabrda mekdebe ilkinji gezek gadam basýan oglan-gyzlara Prezidentiň adyndan täze kompýuterleriň gowşurylmagy ýagşy däbe öwrüldi.
Täze okuw ýylynda birinji synpa 142 müň 698 çaga barar. Olara ýokary hilli, degişli sertifikatlar bilen tassyklanan, ýurdumyzda öndürilen «Bilimli» atly kompýuterleri gowşurylar.
Prezident Serdar Berdimuhamedow hemişe belleýşi ýaly, mugallymlar ýaş nesli çagalykdan häzirki zaman tehnologiýalary we innowasion enjamlar bilen işleşmäge öwretmelidirler. Ol bu meselä penşenbe güni geçirilen hökümet mejlisinde hem ünsi çekdi. Mejlisiň dowamynda beýleki möhüm meseleler bilen birlikde täze okuw ýylyna taýýarlyk meselesi hem ara alnyp maslahatlaşyldy.
ORIENT
