Eduards Stipraýs Ýewropa Bileleşigiň Merkezi Aziýa boýunça Ýörite wekili wezipesinde Terhi Hakalany çalşar
Ýewropa geňeşi Eduards Stipraýsy ÝB-niň Merkezi Aziýa boýunça täze ýörite wekili edip belledi. Ol Terhi Hakalany çalşyp, 2 ýyl möhlet üçin başlangyç hukuk bilen, 2025-nji ýylyň 1-nji martyna öz borçlaryny ýerine ýetirmäge girişer.
ÝB-niň täze ýörite wekiliniň wezipesi umumy gymmatlyklaryň esasynda ÝB bilen Merkezi Aziýa ýurtlarynyň arasynda gatnaşyklary ösdürmekden, sebitiň ýurtlarynyň arasynda durnuklylygy we hyzmatdaşlygy bertkitmäge, şeýle hem demokratiýanyň, kanunyň hökmürowanlygynyň, adalatly dolnadyrmagyň hem-de adam hukuklaryna we esasy azatlyklaryna hormat goýmagyň pugtalandyrylmagyna ýardam bermekden ybarat.
Ýokary başlyk bilen ýakyn hyzmatdaşlykda ol öz işini ÝB-niň netijeliligini Ýewropanyň Howpsuzlyk we hyzmatdaşlyk guramasy we Birleşen Milletler guramasy ýaly degişli hyzmatdaşlar we halkara guramalar bilen ýakyndan ugtaşdyrylmagy bilen ýokarlandyrylmagyna gönükdirer.
E.Stipraýs tejribeli latwiýaly diplomat. Ol ÝB-niň ýanyndaky Latwiýanyň hemişelik wekili hem-de döwlet sekretarynyň – Latwiýanyň Daşary işler ministrliginiň syýasy direktorynyň orunbasary wezipesini eýeledi. 2016-2020-nji ýyllar aralygynda ol Özbegistan Respublikasynda ÝB-niň wekiliýetine ýolbaşçylyk etdi, şeýle hem Latwiýa Respublikasynyň Beýik Britaniýadaky we Fransiýadaky ilçisi bolup işledi.
ORIENT news
