Aziýanyň Olimpiýa Geňeşi 2026-njy ýylyň Aziýa oýunlarynda kibersport maksatnamasyny giňeldýär
Aziýanyň Olimpiýa Geňeşi XX Aziýa oýunlaryna giriziljek 11 sany kibersport görnüşleri barada yglan etdi. Oýunlar 2026-njy ýylyň 19-njy sentýabryndan 4-nji oktýabryna çenli Aiti-Nagoýide (Ýaponiýa) şäherinde geçiriler.
Bu baradaky karar 22-nji fewralda onlaýn-görnüşinde geçirilen Aziýanyň Olimpiýa Geňeşiniň Ýerine ýetiriji geňeşiniň mejlisinde kabul edildi. AOG-yň Baş direktory Huseýn Al Musallam milli olimpiýa komitetleriň agzalaryna, Ýerine ýetiriji geňeşiň agzalaryna, AOG-yň hemişelik komitetleriň wekillerine hem-de Aiti-Nagoýidäki Aziýa oýunlarynyň Guramaçylyk komitetiniň wise-prezidentine buýrugy ýollady.
2026-njy ýylda Aiti-Nagoýide geçiriljek Aziýa oýunlary üçin tassyklanan görnüşler aşakdakylary öz içine alýar:
Street Fighter 6
Pokémon Unite (täze)
Honor of Kings (Arena of Valor çalşar)
League of Legends – Aziýa oýunlary üçin görnüşi
PUBG Mobile – Aziýa oýunlary üçin görnüşi
Mobile Legends: Bang Bang (täze)
Dream Three Kingdoms
NARAKA: BLADEPOINT (täze)
Gran Turismo (täze)
eFootball Series (täze)
Puyo Puyo Champions (täze)
Bäsleşigiň oýun görnüşleriniň sanynyň artdyrylmagy Hançžouda geçirilen 2022-nji ýylyň Aziýa oýunlarynda ilkinji gezek medal görnüşi hökmünde üstünlikli görkezilişinden soňra kibersport üçin möhüm öňe gadam bolup durýar.
ORIENT news
