Aşgabatda "Halkara parahatçylyk we ynanyşmak ýyly" mynasybetli sergi açyldy
18-nji fewralda Türkmenistanyň Çeperçilik sergiler müdirliginiň we şekillendiriş sungatynyň sergi merkeziniň Sergi jaýynda "Halkara parahatçylyk we ynanyşmak" ýyly mynasybetli Türkmen döwlet ýörite çeperçilik mekdebiniň mugallymlarynyň toparlaýyn sergisi açyldy.
"Parahatlyk sungat bilen gül açýar" atly sergide tanymal suratkeşleriñ, Türkmenistanyň Suratkeşler birleşiginiň agzalary bolan Gunça Myradowanyň, Abdylla Mämmetberdiýewiň, Laçyn Toýlyýewanyň, Öwezmuhammet Akmuhammedowyň, Toýly Çopanowyň, Gurban Babatäjowyň, Berdi Çaryýewiň, Sapa Pürliýewiň, Enejan Garaýewanyň hem-de beýleki zehinli suratkeşleriñ eserleri görkezilýär.
Sergide şekillendiriş sungatynyň birnäçe ugurlary boýunça döredilen eserler ýerleşdirildi.
Olar ýurduñ çeperçilik mirasynyñ baýlygyny, awtorlaryñ şahsy döredijilik tärlerini hem-de sungat arkaly sazlaşyga bolan ymtylyşlaryny açyp görkezýär.
Sergi öz işini mart aýyna çenli dowam eder.
