Pezeşkian: Eýran bilen Türkmenistanyň arasyndaky söwda dolanyşygy birnäçe esse artmak mümkinçiligine eýe
Eýranyň Prezidenti Masud Pezeşkian Üçünji Hazar ykdysady forumyna gatnaşmak üçin Tährana baran Türkmenistanyň Ministrler Kabinetiniň Başlygynyň orunbasary Hojamyrat Geldimyradow bilen bolan duşuşygynda: “Eýranyň we Türkmenistanyň gatnaşyklary ösdürmek üçin uly esaslary hem-de mümkinçilikleri bar, eger bu ýagdaý işjeňleşdirilse iki ýurduň arasyndaky söwda dolanşygynyň mukdaryny häzirki ýagdaýy bilen deňeşdirilende birnäçe esse artdyrlyp biler” diýip belledi.
Türkmenistanyň Ministrler Kabinetiniň Başlygynyň orunbasary Hojamyrat Geldimyradow: “bu forumyň netijeleriniň Hazarýaka ýurtlarynyň arasyndaky gatnaşyklary ösdürmekde uly ädim boljakdygyna we sebitiň bähbidi üçin hyzmatdaşlygy giňeltmekde örän täsirli boljakdygyna ynanýarys” diýip, Hazar ykdysady forumynyň guralyşyna ýokary baha berdi. Bu barada ISNA agentligi habar berýär.
Şeýle hem Türkmenistanyň Ministrler Kabinetiniň Başlygynyň orunbasary iki ýurduň energetika we ulag pudagyndaky häzirki hyzmatdaşlyk hem-de bilelikdäki taslamalar barada durup geçdi. Türkmenistanyň Eýran Yslam Respublikasyny diňe bir goňşusy däl, eýsem strategiki hyzmatdaş hasaplaýandygyny we hyzmatdaşlygy ösdürmek üçin açan uly mümkinçiliklerden netijeli peýdalanmagy maksat edinýändigi aýtdy, şeýle hem iki ýurduň arasynda gazanylan ylalaşyklaryň doly ýerine ýetiriljekdigini tassyklandy.
ORIENT
