“Halkara parahatçylyk we ynanyşmak” ýyly mynasybetli, ýurdumyzyň suratkeşleriniň döredijilik sergisi açylar
2025-nji ýylyň fewral aýynyň 07-ne Türkmenistanyň Suratkeşler birleşiginiň Sungat galereýasynda “Halkara parahatçylyk we ynanyşmak” ýyly mynasybetli, ýurdumyzyň suratkeşleriniň döredijilik sergisi açylar.
Suratkeşler birleşigi tarapyndan gurnalýan bu sergide birleşigiň agza suratkeşleriniň dürli ýurtlara eden döredijilik saparlarynda döreden eserleri görkeziler. Bu döredijilik sergisiniň maksady halklaryň özara medeni gatnaşyklarynyň aýrylmaz baglanyşygyny, günsaýyn pugtalanýan dost-doganlyk gatnaşyklaryny wasp etmekden ybaratdyr.
Sergide tomaşaçylar Türkmenistanyň halk suratkeşleri Işanguly Işangulyýewiň, Öwezmuhammet Mämmetnurowyň, Ýarly Baýramowyň, Möjek Çaryýewiň, Rejepmuhammet Berdiýewiň, Türkmenistanyň sungatda at gazanan işgäri Allamyrat Muhammedowyň, şeýle-de zehinli suratkeşler Çarymyrat Ýazmyradowyň, Rahman Umarowyň, Gahryman Goçmyradowyň, Zakirjan Babaýewiň, Gülnäz Rozykulowanyň, Hojamuhammet Çüriýewiň, Gurban Babatäjowyň, Toýly Çopanowyň, Rustam Abdullaýewiň we beýleki suratkeşleriň eserleri görkeziler.
Sergi 2025-nji ýylyň fewral aýynyň 07-ne sagat 17:00-da açylyp, öz içini mart aýyna çenli dowam eder.
