2024-nji ýylda Türkmenistan bilen Azerbaýjanyň arasyndaky haryt dolanyşygy ösdürildi
Ýanwar 31, 2025 | 09:15 |7764
2024-nji ýylda Türkmenistan bilen Azerbaýjanyň arasynda özara haryt dolanyşygy takmynan, 400 mln ABŞ dollara ýetdi. Bu barada Azerbaýjanyň Döwlet gümrük komitetine salgylanyp, Trend agentligi habar berýär.
Hasabat döwründe Türkmenistanyň Azerbaýjana amala aşyran eksporty 303,47 mln ABŞ dollara barabar boldy, Azerbaýjandan importyň umumy möçberi – 80,24 mln ABŞ dollara deň boldy.
Şeýlelikde, iki ýurduň arasyndaky özara söwdanyň umumy möçberi 383,9 mln ABŞ dollara barabar boldy. Geçen ýyl Azerbaýjanyň umumy daşarky söwda dolanyşygy 47,6 mlrd ABŞ dollara deň bolup, onuň 26,55 mlrd eksport, 21,05 mlrd bolsa – import düzendigi barada bellenilýär.
ORIENT News
