Apple iPhone enjamlaryna Starlink-e birikmegi öwretdi
Apple Space X we T-Mobile kompaniýalary bilen hyzmatdaşlykda soňky iOS 18.3 nusgasynda iPhone enjamlarynyň Starlink hemra ulgamyna birikmek mümkinçiligini ornaşdyrdy. Emma häzirki wagtda bu wezipe ABŞ-daky ulanyjylaryň çäklendirilen sany üçin elýeterli bolup, ol synagdan geçmek tapgyryndadyr.
Ozal iPhone ulanyjylary Globalstar hemra aragatnaşygy arkaly diňe tiz hemra aragatnaşygyndan peýdalanyp bilýärdiler. Bu hem öýjükli aragatnaşygy ýok ýagdaýynda tiz kömek gulluklaryna habar ibermäge mümkinçilik berýärdi. Indi bolsa Starlink kömegi bilen ulanyjylar adaty tekst habarlary alyşyp bilýärler, geljekde bolsa ses jaňlaryny we hemra Internet mümkinçiligini hem goşmak giňeltmek meýilleşdirilýär. Globalstar-dan tapawutlylykda, Starlink öz-özünden işlär, hatda telefonyň jübide bolan ýagdaýynda hem.
T-Mobile iPhone ulanyjylary üçin beta-synaglary geçirip başlady. Maksatnamada täze ugruň ilkinji gatnaşyjylaryna operator SMS-habarlaryny ýollady: “Siz T-Mobile Starlink beta-synagyna gatnaşýarsyňyz. Indi Siz dünýäniň islendik ýerinden hemra arkaly tekst habarlaryny ugartamak bilen aragatnaşykda galyp bilersiňiz. Bu çäkden daşary bu hyzmaty ulanyp başlamak üçin, iOS 18.3 çenli täzeleniň”.
Hyzmatyň dolyulygyna ýaýbaňlanmagy 2025-nji ýylda bolup geçjekdigine garaşylýar.
ORIENT news
