Serdar Berdimuhamedow Aleksandr Lukaşenkony Belarusyň Prezident saýlawlarynda ýeňiş gazanmagy mynasybetli gutlady
Türkmenistanyň Prezidenti Serdar Berdimuhamedow Belarus Respublikasynyň Prezidenti Aleksandr Lukaşenkony saýlawlarda ýeňiş gazanmagy mynasybetli gutlady, bu barada Belarus Lideriniň metbugat gullugy habar berdi.
“Türkmenistan däp bolan deňhukuklylyk, birek-birege hormat goýmak we ynanyşmak ýörelgelerine esaslanýan ikitaraplaýyn hyzmatdaşlygy mundan beýläk-de ösdürmäge uly ähmiýet berýär. Siziň parasatly we öňdengörüjilikli baştutanlygyňyzda Belarus Respublikasynyň uly üstünlikleri gazanjakdygyna, döwletara gatnaşyklarymyzyň bolsa hil taýdan täze derejä çykjakdygyna berk ynanýaryn” diýip, gutlag hatda bellenilýär.
Serdar Berdimuhamedow Aleksandr Lukaşenko tüýs ýürekden berk jan saglyk, abadançylyk we Belarus Respublikasynyň ähli halkynyň bagtyýar durmuşda ýaşamagynyň, gülläp ösmeginiň bähbidine alyp barýan jogapkärli döwlet işinde täze üstünlikleri arzuw etdi.
ORIENT
