Bäsleşikli söwdada Donald Trampyň Ferrari awtoulagy satylýar
ABŞ-da Donald Trampa degişli bolan Ferrari F430 Coupe sport awtoulagy bäsleşikli söwdasyna çykaryldy. ABŞ-nyň ozalky prezidenti bu awtoulagy 2007-nji ýylda, ilkinji gezek satuwa çykandan soň, göni satyn aldy. Lot barada maglumatlar Rockstar bäsleşikli söwda öýüniň web sahypasynda ýerleşdirildi.
Awtoulagyň öň Trampa degişlidigini tassyklaýan resminamalar we DJT harp belgili nomer bar. DJT harplary Donald John Trump adynyň baş harpydyr. Şeýle-de bolsa, Trampyň bu awtoulagy näçe wagt eýeçilik edendigi anyk belli däl.
Awtoulagyň ýagdaýy örän gowy. Gyzyl reňkli awtoulagyň, içki bölegi bolsa karbon süýümli bezegi bolan goňur deri bilen bezelen. Sport awtoulagy sagatda 315 km tizlige ýetip bilýär we “ýüzlüge” (0-100 km/s) bary-ýogy 3,9 sekuntda çykýar. Awtoulagyň umumy ýörişi 9395 mil (15 müň km).
Auksion öýi Ferrari F430 Coupe modeliniň bahasyny 1 million dollara deň hasaplaýar.
Onlaýn auksion 16-njy fewraldan 9-njy marta çenli dowam eder.
ORIENT
