Hytaý daşary ýurtly žurnalistleri “Iki sessiýany” şöhlelendirmäge çagyrýar
Hytaý öz ýurdunyň, hem daşary ýurtly žurnalistleri 2025-nji ýylyň mart aýynda geçiriljek Ählihytaý halk wekiller ýygnagynyň (ÄHWÝ) hem-de Halk syýasy konsultatiw geňeşiniň Ählihytaý komitetiniň (HSKG ÄK) sessiýalaryny şöhlelendirmäge çagyrýar. Bu barada Sinhua agentligi habar berýär.
Bu her ýylky çäre ýurduň syýasy durmuşynyň möhüm bölegi bolup durýar. Sessiýalaryň şöhlelendirilmegi dürli köpçülikleýin habar beriş serişdeler, şol sanda çäräniň geçiriljek ýerinden göni ýaýlymlar arkaly amala aşyrylar. Žurnalistler üçin metbugat merkezi 27-nji fewralda öz işine başlar, bu hem akkreditlenen habarçylara çäräni şöhlelendirmek üçin taýýarlanmaga mümkinçilik berer.
ÄHWÝ-niň 14-nji çagyrylyşynyň 3-nji sessiýasynyň açylşy 5-nji marta meýilleşdirilen, HSKG ÄK -nyň 3-nji sessiýasynyň açylyşy bolsa – 4-nji marta. Hytaýda akkreditlenen žurnalistler metbugat merkeze arzalaryny tabşyrmaly, ýurda gelýän daşary ýurtly habarçylar bolsa HHR-iň ilçihanalaryna ýa-da konsullyk edaralaryna ýüz tutmaly. Akkreditasiýa üçin arzalary tabşrymagyň soňky möhleti – 18-nji fewral.
ORIENT news
