Samsung üç eplenilýän smartfony işläp taýýarlaýandygyny tassyklady
Samsung korporasiýasy üç eplenilýän smartfony işläp taýýarlaýandygyny tassyklady.
Bu barada 22-nji ýanwarda kompaniýanyň wekilleri tarapyndan täze enjamlaryň ýol kartasy bilen tanyşdyrýan slaýdyň görkezilip geçirilen Galaxy Unpacked çäresinde habar edildi.
Köp eplenilýän diýlip hem atlandyrylýan bu üç eplenilýän smartfon doly açylan görnüşinde 10 dýuýmlik diagonally displeýe eýe bolar, munuň netijesinde ony planşetler toparçasyna degişli edip bolýar. Bu enjam häzirki wagtda bar bolan Galaxy Z Fold we Galaxy Z Flip modelleriniň goşmaçasy bolar.
Samsung kompaniýasynyň özüniň innowasion smartfonyny 2025-nji ýylyň ahyryna çenli hödürlejekdigine garaşylýar. Üç eplenilýän smartfona goşmaça Samsung wirtual we goşulan hakykat garniturasynyň, şeýle hem akylly äýnekleriň işläp taýýarlanjakdygyny habar berdi, bu hem kompaniýanyň göteriji enjamlaryň görnüşlerini giňeltmäge bolan islegini açyp görkezýär.
ORIENT news
