Dawosda Bütindünýä ykdysady forumy açyldy
2025-nji ýylyň 20-nji ýanwarynda Dawosda (gündogar Şweýsariýadaky şäher) 54-nji Bütindünýä ykdysady forumy (BYF) açylyp, ol 24-nji ýanwara çenli dowam eder. Şu ýyl forumyň mowzugy “Intellektual eýýamda hyzmatdaşlyk” diýlip atlandyrylýar.
Foruma 130 ýurtdan 3 000-e golaý gatnaşyjy gatnaşjakdygyna garaşylýar. Olaryň 350-den gowragy hökümet liderleri bolup, olaryň arasynda 60 sany döwlet baştutanlar we hökümet ýolbaçylary bolar. Çärä gatnaşjak dünýä liderleriniň arasynda Germaniýanyň kansleri Olaf Şols, Ýewropa Komissiýasynyň başlygy Ursula fon der Lýaýen, Hytaýyň hökümetiniň wise-premýeri Din Sýuesýan, Bangladeşiň wagtlaýyn hökümetiniň başlygy Muhammad Ýunus, Argentinanyň we GAR-yň prezidentleri Hawýer Mileý we Siril Ramafosa dagylar bar.
Gatnaşyjylar emeli aň, durnukly ösüş we planetanyň goraglylygy ýaly meseleleri ara alyp maslahatlaşarlar.
Şu ýyl çäre ABŞ-niň prezidenti Donal Trampyň resmi ýagdaýda wezipä girişmek dabarasyna gabat geldi. Ol gatnaşyjylaryň öňünde wideo aragatnaşyk arkaly çykyş eder.
ORIENT
