ABŞ -nyň 47-nji Prezidenti Donald Tramp wezipesine girişdi
Donald Trampyň ABŞ-nyň 47-nji Prezidenti hökmünde kasam kabul edişlik dabarasy Kongresiň merkezi Rotonde zalynda geçirildi. Respublikan partiýasyndan bolan D.Tramp Konstitusiýa we ýurda wepaly bolmak barada kasam kabul etdi diýip, “Euronews” habar berýär.
Men Donald Jon Tramp, Birleşen Ştatlaryň Prezidentiniň wezipesini ak ýürekden ýerine ýetirjekdigime we Birleşen Ştatlaryň Konstitusiýasyny goramak we goldamak üçin ähli tagallalary etjekdigime dabaraly ýagdaýda kasam edýärin. Bu işde Hudaý maňa kömek etsin” – diýip, onuň öňünde maşgalasy Melaniýanyň saklap duran Injil kitabyna çep elini goýup, däp bolan kasamy okady.
Tramp ABŞ-nyň taryhynda arakesme bilen iň ýokary döwlet wezipesini eýelän ikinji Prezident boldy. Ondan öň bu üstünligi diňe Grower Kliwlende (1885-1889-njy ýyllarda we 1893-1897-nji ýyllarda 22-nji we 24-nji Prezidenti) gazanmak başardypdy. Indi Tramp ABŞ-nyň 45-nji we 47-nji Prezidenti.
Doland Tramp kasam kabul eden badyna Kapitoliýa baýrynyň üstünden artilleriýa ýaragynyň 21 gezek sesi ýaňlandy. Birnäçe minut öň – däp-dessurlara laýyklykda – ABŞ-nyň 40 ýaşly wise-prezidenti Jeýms Dewid Wens kasam kabul etdi. Şeýlelik bilen, Trampyň administrasiýasy dört ýyllyk möhlet bilen işini başlady.
ORIENT
