Gazagyztanda Ýeňiş gününiň 80 ýyllygy mynasybetli ýubileý medaly dörediler
Gazagystan Respublikasynyň Prezidentiniň 1941-1945-nji ýyllardaky Beýik Watançylyk Urşunda gazanylan ýeňşiň 80 ýyllygy mynasybetli ýubileý medalyny döretmek baradaky Kararynyň taslamasy taýýarlandy. Onda uruş weteranlarynyň we tylda zähmet çekenleriň edermenligine, gahrymançylygyna we wepalylygyna çuňňur hormat goýmak maksady bilen “1941-1945 жж. Ұлы Отан соғысындағы Жеңіске 80 жыл” ýubileý medalynyň döredilýändigi beýan edilýär we sylaglamak düzgünleri tassyklanýar. Medal harby işgärlere we beýleki söweşlere gatnaşyjylara, uruş wagtynda ýaralanan ýa-da kellesine zeper ýeten adamlara, kämillik ýaşyna ýetmedik konslagerlerde ýesirlikde saklananlara, söweşde wepat bolanlaryň ýanýoldaşlaryna we tylda zähmet çekenlere berler.
2025-nji ýyl GDA-nyň çäginde Beýik Watançylyk Urşunda gazanylan Ýeňişiň 80 ýyllygyň ýyly – nasizme garşy göreşde parahatçylyk we agzybirlik ýyly diýlip yglan edildi. Geçen güýzde Moskwanyň Poklonnaýa dagyndaky Ýeňiş muzeýinde Ýeňişiň 80 ýyllyk baýramynyň resmi nyşany tanyşdyryldy. Onda Wolgograddaky Mamaýew depesindäki Ýewgeniý Wuçetiçiň “Ata watan çagyrýar!” atly meşhur heýkeli şekillendirilen.
ORIENT news
