GDA-da 2028-nji ýyl durmuş ösüşiniň we ýaşaýyş hiliniň ýyly bolar
Garaşsyz Döwletleriň Arkalaşygynda (GDA) 2028-nji ýyly durmuş ösüşiniň we ýaşaýyş hiliniň ýyly diýip yglan etmek teklip edildi.
Bu başlangyç gyrgyz tarapyndan öňe sürlüp, 2025-nji ýylyň 16-njy ýanwarynda Minskde geçirilen Bilermenler toparynyň mejlisinde goldaw tapdy.
Mejlise GDA gatnaşyjy-ýurtlar, şol sanda Belarus, Azerbaýjan, Ermenistan, Gazagystan, Gyrgyzystan, Russiýa, Täjigistan, Türkmenistan we Özbegistan gatnaşdy. Bilermenler ýurtlaryň tekliplerini ara alyp maslahatlaşyp, garalmaga ýollanan resminamalaryň taslamalary barada ylalaşdylar. Bu başlangyjyň esasy maksady durmuş ulgamy boýunça GDA döwletleriň arasynda hyzmatdaşlygy giňeltmekden, raýatlaryň ýaşaýyşlarynyň hilini ýokarlandyrmakdan hem-de durmuş-demografiýa mümkinçiliklerini ösdümekden ybaratdyr.
2028-nji ýylyň dowamynda durnukly durmuş ösüşine, şol sanda durmuş-zähmet ulgamynda resminamalaryň kämilleşdirilmegine, durmuş dialogynyň giňeldilmegine hem-de halkara forumlaryň geçirilmegine gönükdirilen birnäçe çäreleri amala aşyrmak meýilleşdirilýär. 2028-nji ýyly Durmuş ösüşiniň we ýaşaýyş hiliniň ýyly diýip yglan etmek baradaky karar GDA-nyň Döwlet baştutanlarynyň geňeşinde kabul ediler.
ORIENT news
