Sloweniýa we Türkmenistan syýasy we ykdysady gatnaşyklaryň işjeňleşdirilmegi barada maslahatlaşdylar
16-njy ýanwarda Sloweniýa Respublikasyndaky Türkmenistanyň Adatdan daşary we doly ygtyýarly ilçisi (hemişelik oturýan ýeri Moskwa ş.) E.Aýdogdyýew, Sloweniýa Respublikasynyň Daşary işler ministrliginiň Ýewropa işleri, syýasy meseleleri, halkara hukugy we bähbitleriň goralmagy boýunça ygtyýarlandyrylan Döwlet sekretary jenap Marko Ştusin bilen duşuşyk geçirdi.
Duşuşygyň dowamynda syýasy, söwda-ykdysady we medeni-ynsanperwer ugurlary boýunça türkmen-slowen hyzmatdaşlygynyň ösdürilmeginiň meseleleri barada maslahatlaşyldy. Taraplar iki ýurduň arasynda syýasy gatnaşyklaryň işjeňleşdirilmegine, şol sanda abraýly halkara guramalaryň meýdançalarynda ikitaraplaýyn duşuşyklaryň geçirilmegine gyzyklanma bildirdiler.
Türkmenistanyň ilçisi slowen tarapyna 2025-nji ýylyň dekabrynda Türkmenistanyň hemişelik Bitaraplygynyň 30 ýyllygy mynasybetli geçiriljek ýokary derejedäki halkara forum hem-de dabaraly çäreler barada habar berdi.
ORIENT news
