Türkmenistanyň ilçisi dünýä söwda Institutynyň ýolbaşçysy bilen duşuşyk geçirdi
Ýanwar 17, 2025 | 14:50 |9131
2025-nji ýylyň 15-nji ýanwarynda Şweýsariýa Konfederasiýasynda Türkmenistanyň Adatdan daşary we Doly ygtyýarly ilçisiniň dünýä söwda Institutynyň ýolbaşçysy professor Mihaýel Han bilen duşuşygy geçirildi.
Duşuşykda hyzmatdaşlygyň häzirki meseleleri ara alnyp maslahatlaşyldy we ikitaraplaýyn gatnaşyklaryň ösdürilmegi üçin geljekki ädimler kesgitlenildi. Taraplar bilelikdäki işiň gysga möhletli ugurlary boýunça pikir alyşdylar.
Türkmenistany Bütindünýä söwda guramasyna agza etmek boýunça alnyp barylýan işler bilen bagly hyzmatdaşlygyň mümkin bolan ugurlaryny öwrenmäge aýratyn üns berildi.
Taraplar gepleşikleriň hyzmatdaşlygy pugtalandyrmakdaky ähmiýetini nygtap, geljekde gatnaşyklaryň üstünlikli dowam etjekdigine umyt bildirdiler.
ORIENT news
