Eýranyň prezidenti Russiýa gepleşik geçirmek üçin geldi

Ýanwar 17, 2025 | 13:20 |6558

Eýranyň prezidenti Masud Pezeşkiýan Russiýa, Wladimir Putin bilen gepleşik geçirmek üçin geldi. Bu barada rus metbugaty habar berýär.

Masud Pezeşkiýany Moskwanyň Wnukowo-2 howa menzilinde energetika ministri Sergeý Siwilew, daşary işler ministriniň orunbasary Andreý Rudenko we döwlet protokoly departamentiniň ýolbaşçysy Igor Bogdaşew garşy aldy.

Wladimir Putin bilen Masud Pezeşkiýan strategik hyzmatdaşlyk hakyndaky giňişleýin şertnama gol çekerine garaşylýar. Bu şertnama, Russiýanyň we Eýranyň arasynda 2001-nji ýylda Moskwada gol çekilen, häzirki hyzmatdaşlygyň we özara gatnaşyklaryň esaslaryny kesgitleýän dokumentiň ornuny tutar.

ORIENT news