Türkmenistanyň DIM-nde Özbegistan Respublikasynyň Türkmenistandaky Ilçisi bilen duşuşyk geçirildi
Türkmenistanyň DIM-nde Özbegistan Respublikasynyň Türkmenistandaky Ilçisi bilen duşuşyk geçirildi 2025-nji ýylyň 7-nji ýanwarynda Türkmenistanyň DIM-nde Türkmenistanyň Daşary işler ministri Raşid Meredow bilen Özbegistan Respublikasynyň Adatdan daşary we Doly ygtyýarly Ilçisi Rawşanbek Alimowyň arasynda duşuşyk geçirildi. Bu barada Türkmenistanyň DIM-i habar berýär.
Taraplar 2024-nji ýylyň 21-nji martynda BMG-niň Baş Assambleýasynyň 78-nji sessiýasynyň 63-nji umumy mejlisinde Türkmenistanyň başlangyjy bilen yglan edilen “Halkara parahatçylyk we ynanyşmak ýylynyň” başynda geçirilýän duşuşygyň ähmiýetini bellediler.
Şunlukda, Türkmenistanyň halkara hyzmatdaşlar bilen, hususan-da, Özbegistanyň gatnaşmagynda Halkara parahatçylyk we ynanyşmak ýylynyň mazmunyna kybap çäreleri geçirmäge bolan meýli beýan edildi
Mundan başga-da, syýasy-diplomatik, söwda-ykdysady we medeni-ynsanperwer ugurlarda ikitaraplaýyn gatnaşyklary mundan beýläk-de ösdürmek barada pikir alyşyldy.
ORIENT news
