Türkmenistanyň DIM-niň HGI-nda Türkmenistanyň Prezidentiniň Magtymguly baradaky täze kitabynyň tanyşdyrylyşy boldy
4-nji ýanwarda, şenbe güni Türkmenistanyň DIM-niň Halkara gatnaşyklary institutynda Prezident Serdar Berdimuhamedowyň “Magtymguly – dünýäniň akyldary” atly täze kitabynyň tanyşdyrylyş dabarasy geçirildi.
Çärä ýurduň daşary syýasat edarasynyň ýolbaşçylary we wekilleri, Türkmenistanda akkreditirlenen diplomatik wekilhanalarynyň we halkara guramalarynyň wekilhanalarynyň ýolbaşçylary we işgärleri, professor-mugallymlar düzümi we talyplar, KHBS-iň wekilleri gatnaşdylar.
Tanyşdyryş dabaranyň dowamynda Türkmenistanyň DIM-niň HGI-niň rektory Gülşat Ýusupowa, Türkmenistanyň Ministrler Kabinetiniň Başlygynyň Orunbasary, Daşary işler ministri Raşid Meredow, Gyrgyzystanyň ilçisi Azizbek Madmarow, Täjigistanyň ilçisi Wafo Niýatbekzoda, Hindistanyň ilçisi Madhumita Hazarika Bhagat, Özbegistanyň ilçisi Rawşanbek Alimow, ÝHHG-niň Aşgabatdaky merkeziniň ýolbaşçysy Jon MakGregor, şeýle-de ylym we bilim işgärleri çykyş etdiler.
Çykyşlarda Türkmenistanyň Prezidentiniň görnükli söz ussadynyň mirasynyň, onuň dünýä edebiýatyna goşan goşandynyň, şahyryň ýubileýi mynasybetli guralan çäreleriň giňden beýan edilýän “Magtymguly – dünýäniň akyldary” atly täze kitabynyň ähmiýeti bellenildi.
Magtymgulynyň ruhy garaýyşlary, parahatçylyk, adalatlylyk, ynsanperwerlik, dostluk we doganlyk, birek-birege hormat goýmak pikirleri Türkmenistanyň daşary syýasatynyň esasy ýörelgelerinde we daşary ýurtlar bilen gatnaşygynda öz beýanyny tapdy diýip, Hindistanyň ilçisi Madhumita Bhagat aýtdy.
Magtymgulynyň eserlerinde 160 gezek agzalan ýer ýurtlarynyň arasynda Hindistan (Hindustan) sözine 30 gezek gabat gelinýär, şeýle hem taryhy çeşmelere görä şahyryň bir ýyl üç aýlap ýaşandygyny aýtdylýar.
Hindi-türkmen siwilizasiýa gatnaşyklarynyň gözbaşlaryna ünsi çekip, Madhumita Bhagat, Indus jülgesi bilen Türkmenistanyň günortasyndaky bürünç eýýamyna degişli ilatly mokatlaryň arasyndaky söwda we medeni gatnaşyklary bolandygyny görkezýän arheologiki tapyndylary mysal hökmünde getirildi. Bularyň arasynda Delidäki Türkmen derwezesi, Merwiň harabalyklaryndan tapylan Budda heýkeliniň galyndylary bar.
Ilçi, 2024-nji ýylyň 21-nji ýanwaryndan 9-njy fewraly aralygynda Türkmenistanyň Ylymlar akademiýasynyň Magtymguly adyndaky Dil, edebiýat we milli golýazmalar institutynyň alymlarynyň Hindistanyň birnäçe ýerine, şol sanda Nýu-Delidäki Milli muzeýe, Rampurdaky Raza kitaphanasyna, “Bangiya Sahitya Parishat” edebiýat jemgyýetine we Kalkutta şäherindäki Aziýa jemgyýetine baryp görendiklerini, ol ýerde baý golýazmalar ýygyndysynda giňişleýin ylmy işleri geçirendiklerini aýtdy.
Neşir üç dilde – türkmen, rus we iňlis dillerinde aýratyn kitap görnüşinde hödürlenýär. Sekiz bölümden ybarat bolan kitap giň okyjylar toplumyna we Magtymgulynyň eserlerini ylmy taýdan öwrenýärlere uly goldanma bolar.
ORIENT
