Howpsuzlyk ugry: Türkmenistan BMG bilen ulag pudagynda hyzmatdaşlygy berkitýär
27-nji noýabrda Aşgabatda Türkmenistanyň Daşary işler ministri Raşid Meredow bilen BMG-niň Baş sekretarynyň ýol hereketiniň howpsuzlygy boýunça Ýörite wekili Žan Todtuň arasynda duşuşyk geçirildi.
Söhbetdeşligiň dowamynda taraplar soňky ýyllarda Türkmenistanyň ulag ulgamyndaky esasy meseleleri ara alyp maslahatlaşmak üçin meýdança hökmünde özüni görkezendigini bellediler. Bütindünýä durnukly ulag gününi goldamakda möhüm başlangyç bolan “Halkara ulag-üstaşyr geçelgeleri: özara arabaglanyşyk we ösüş — 2024” (ITTC-2024) atly halkara maslahatyna we serginie aýratyn üns berildi.
Bu çäräniň BMG-niň “Hemmeler üçin howpsuz ýollar” atly älhumumy başlangyjyny goldaýandygy şeýle-hem 2025-nji ýylyň fewralynda Marrakeş şäherinde geçiriljek ýol howpsuzlygy boýunça 4-nji Bütindünýä ministrler maslahatynyň äheňini kesgitländigini bellenildi.
Söhbetdeşler Türkmenistanyň ýol-ulag hadysalaryny azaltmagyň üstünliklerini ara alyp maslahatlaşdylar. Häzirki zaman ýollaryň gurulmagyna, awtomatlaşdyrylan gözegçilik ulgamlarynyň ornaşdyrylmagyna, ýol düzgünlerini berjaý edişine berk gözegçilik etmek ýaly çärelere aýratyn ünsi çekdiler.
Şeýle hem ulag pudagynda netijeli köptaraplaýyn çemeleşmeleriň emele gelmegine itergi berýän Türkmenistanyň başlangyjy bilen döredilen Durnukly ulagyň dostlary toparynyň ähmiýeti bellendi.
Taraplar, ählumumy ösüş maksatlaryna ýetmekde möhüm goşant boljak ygtybarly, elýeterli we durnukly ulag infrastrukturasyny döretmek ugrunda hyzmatdaşlygy berkitmäge taýýardyklaryny mälim etdiler.
ORIENT
