Türkmenistan we Katar inklýuziw bilim ulgamy boýunça başlangyçlary işläp taýýarlamak barada maslahatlaşdylar
Türkmenistan we Katar bilelikdäki bilim başlangyçlaryň mümkinçiliklerini ara alyp maslahatlaşýarlar. Türkmenistanyň Bilim ministrliginiň wekiliýeti Katar döwletine resmi saparyň çäklerinde bilim ulgamyndaky hyzamatdaşlygyň ösdürilmegine gönükdirilen katar bilim edaralarynyň wekilleri bilen birnäçe möhüm duşuşyklary geçirdi.
Mugallymlaryň hünär taýýarlyklaryny ýokarlandyrmakda bilelikdäki maksatnamalaryny döretmek mümkinçilikleriniň ara alnyp maslahatlaşylmagy, şeýle hem aýratyn bilim zerurlygy bolan çagalary goldamaga gönükdirilen inklýuziw bilim babatda başlangyçlaryň işläp taýýarlanylmagy saparyň esasy pursady boldy.
Halkara gatnaşyklar departamentiniň ýolbaşçysy hanym Laalei Abualfain hem-de Aziýa we Afrika işleri boýunça halkara gatnaşyklar bölüminiň müdiri hanym Amal Yousef Al Emadi bilen duşuşyklara aýratyn ähmiýet berildi. Maslahatlaşmalar iki ýurduň bilim edaralarynyň arasynda gatnaşyklaryň giňeldilmegine, tejribe alyşylmagyna, ylmy barlaglaryň geçirilmegine hem-de akademiki maksatnamalaryň guralmagyna degişli boldy.
Türkmen wekiliýeti mekdep okuwçylaryň we talyplaryň halkara olimpiadalaryna we beýleki bilim başlangaçlaryna gatnaşmagyna höwes bildirdi. Türkmen tarapy okatmakda häziki zaman tehnologiýalaryň we çemleşmeleriň ulanylmagynda katar tejribesiniň öwrenilmegniň ähmiýeti barada belledi.
Mundan başga-da gatnaşyjylar Dohada 2023-nji ýylda gol çekilen ýaşlar bilen işleşmek boýuça özara düşünişmek baradaky Ähtnamanyň wajyplygy barada maslahatlaşdylar. Bu resminama ýaş hünärmenleri goldamak, tejribe alyşmak hem-de medeni we bilim özara gatnaşyklaryna ýardam edýän innowasiýa maksatnamalary işläp taýýarlamak üçin platforma hökmünde hyzmat edýär.
Saparyň ahyrynda türkmen wekiliýeti dialoga açyklygy üçin katar tarapyna minnetdarlygyny bildirip, ýetilen ylalaşyklaryň iki ýurduň bilim ulgamlarynyň bilelikde ösdürilmeginde täze gözýetimleri açjakdygyny belledi. Bu sapar Türkmenistanyň we Kataryň hyzmatdaşlygy giňeltmäge bolan isleglerini tassyklap, bilimiň durnukly ösüşiň we medeni hyzmatdaşlygyň binýady hökmünde ösdürilmegine bolan umumy ygrarlylygyny açyp görkezdi.
