Ýaponiýanyň Daşary işler ministrliginiň ýörite wekili Aşgabada geldi
1-nji oktýabrda Türkmenistanyň DIM-nde Türkmenistanyň Daşary işler ministriniň orunbasary Ahmet Gurbanow bilen Ýaponiýanyň DIM-niň Merkezi Aziýa we Kawkaz sebiti boýunça ýörite wekili Isikawa Masakiniň arasynda duşuşyk geçirildi.
Taraplar yzygiderli ýokary derejedäki syýasy dialoga esaslanýan türkmen-ýapon gatnaşyklarynyň ösüşiniň ýokary derejesini bellediler. sebitleýin we halkara düzümleriň çäklerinde ikitaraplaýyn hyzmatdaşlygy giňeltmek boýunça ileri tutulýan ugurlara garaldy şeýle hem sebit we halkara gurluşlaryň çäginde “Merkezi Aziýa + Ýaponiýa” dialogynyň ähmiýeti nygtaldy diýip, Türkmenistanyň Daşary işler ministrliginiň metbugat beýanatynda aýdylýar.
Diplomatlar türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň 2022-nji ýylyň sentýabr aýynda Ýaponiýa amala aşyran saparyna ünsi çekip, parlamentara gatnaşyklaryň netijeliligini bellediler.
Duşuşykda esasy ünsi söwda-ykdysady hyzmatdaşlygyna berildi hem-de gaz himiýasy we ulag pudagynda, şol sanda iki ýurduň gatnaşmagynda maýa goýum taslamalarynda oňyn tejribe bellenildi. Golaýda Türkmenistanyň wekiliýetiniň gatnaşmagynda geçiriljek EXPO 2025 Bütindünýä sergisine taýýarlyk meseleleri giňişleýin ara alnyp maslahatlaşyldy.
ORIENT news
