Minskdäki Türkmenistanyň ilçihanasynda türkmen talyplary bilen baýramçylyk duşuşygy geçirildi
25-nji sentýabrda Türkmenistanyň Belarusdaky ilçihanasynda, Minskdäki ýokary okuw mekdeplerinde okaýan türkmen talyplary bilen baýramçylyk duşuşygy geçirildi. Dabaraly çäre Türkmenistanyň Garaşsyzlygynyň 33 ýyllygyna we Magtymguly Pyragy ýylyna bagyşlandy.
Adatdan daşary we Doly ygtyýarly Ilçi Nazarguly Şagulyýew öz çykyşynda Garaşsyzlyk ýyllarynda ýurduň Prezidentiniň parasatly ýolbaşçylygynda ykdysadyýet, bilim we jemgyýetçilik durmuşy ugurlarynda halkyň gülläp ösüşine we abadançylygyna gönükdirilen giň gerimli maksatnamalaryň we özgertmeleriň amala aşyrylandygyny belledi.
Şeýle hem ol, 2024-nji ýylda beýik şahyryň doglan gününiň 300 ýyllygy mynasybetli 2024-nji ýyl “Pähim-paýhas ummany Magtymguly Pyragy” ýyly diýlip yglan edild aýtdy. Bu karar onuň edebi we pelsepewi mirasyny wagyz etmäge gönükdirilendir. Ilçi watançylygy we ynsanperwerligi wagyz edýän Magtymguly Pyragynyň döredijiliginiň dünýä medeniýetine möhüm goşant goşýandygyny belläp, we ýaşlary bu ruhy mirasa hormat goýmaga çagyrdy. Diplomat şeýle hem Türkmenistanda ýubileý dabarasyna bagyşlanan halkara çärelere görülýän taýýarlyk barada aýtdy.
Duşuşyga gatnaşyjylara Türkmenistanyň Garaşsyzlyk ýyllarynda syýasy, ykdysady we medeni ugurlarda gazanan üstünliklerine, şeýle hem Magtymguly Pyragynyň döredijilik mirasyna bagyşlanan wideo ýazgylar görkezildi.
ORIENT news
