Türkmenistan Gyrgyzystana 80 % gowrak pomidor importyny üpjün etdi

Sentýabr 08, 2024 | 00:30 |37620

Tazabek saýtynyň habar bermegine görä, 2024-nji ýylda Gyrgyzystana getirilýän pomidorlaryň 80% gowragy Türkmenistandan getirilýär diýlip, respublikan portalynyň açyk maglumatlar saýtynda ýerleşdirilen Gyrgyzystan Respublikasynyň Oba hojalyk ministrliginiň hasabatynda aýdylýar.

Ýanwar-awgust aýlarynda Gyrgyzystana 15,9 müň tonna pomidor getirilip, olaryň 13,1 müň tonnasy Türkmenistandan import edildi.

Özbegistandan, Hytaýdan, Eýrandan hem import edildi. Ýylyň başyndan Gyrgyzystan 2 müň tonna golaý pomidor eksport edip, onuň ählisi Russiýa we Gazagystana ugradyldy.

ORIENT news