Bütindünýä bankynyň bilermenleri türkmen hünärmenleri üçin kärhanalarda geçiriljek sowalnama boýunça okuwlary geçirdiler
Geçen anna güni “Kärhanalarda barlag işleri-2024” atly maskatnama boýunça Bütidünýä bankynyň okuw kusrlary tamamlandy. Maliýe we ykdysadyýet ministrligi bilen bilelikde geçirilýän hem-de “Standart Hyzmat” hususy kärhanasy tarapyndan amala aşyrylýan bu bäş günlük okuwlar Bütindünýä bankynyň taslamasynyň çäklerinde Türkmenistanda ilkinji gezek kärhanalarda sowalnama geçirmek üçin ýerli interwýu alýan žurnalistleri we gözükdirjileri taýýarlady.
Ýerli hünärmenlere sowalnama usulyýetinde endikleri bermek, maglumat ýygnamak tehnikasy we etiki standartlar bu okuwlaryň esasy maksady boldy. Bütindünýä bankynyň tejribeli ykdysatçylary Arwind Jaýnyň we Nazim Tamkoçuň ýolabşçylygynda on sany ýerli hünarmenler bu okuwa gatnaşdylar. Olar sowalnama geçirmek usullary, maglumat hiliniň üpjün edilmegi we meýdan işleriniň logistikasy boýunça köptaraplaýyn sessiýalary geçirdiler. Okuw tejribeligini ýokarlandyrmak we gatnaşyjylaryň geljekki meýdan işlerine gatnaşmakda taýýarlylygyny üpjün etmek maksady bilen Maksatnamanyň düzümine amaly tabşyryklar we nusga boýunça ýumuşlar girizildi.
“Kärhanalarda barlag işleri” maksatnamasy – bu Bütindänýä bankyna gatnaşyjy agza ýurtlarynyň işewürlik gurşawy barada gymmatly maglumat berýän ählumumy başlangyçdyr. Toplanylan maglumatlar işewürligi alyp barmagyň dürli ugurlaryny, şol sanda maliýe ygtyýarlyklary, infrastruktura, bäsdeşlik we öndürijilik ýaly meseleleri öz içine alar. Bu sowalnama Türkmenistana Bütindünýä bankynyň “Business Ready” hasabatyna girmäge ýardam eder. Bul bolsa öz gezeginde ykdysadyýet syýasatyny işläp taýýarlaýan hünarmenlere işewrülik gurşawyny san taýdan bahalandyrmakda we ýokarlandyrmaga degişli ugurlary ýüze çykarmakda möhüm ädim bolar. Bu hasabata goşulmaklyk geljekde ýurtda hususy telekeçiligiň ösmegine ýardam etjek maksatnamalarynyň işlenilip taýýarlanylmagyna mümkinçilik berer.
Ýerli bilimleriň we tejribäniň giň barlygyna eýe bolan “Standart Hyzmat” hususy kärhanasy sowalnamanyň üstünlikli geçirilmegini üpjün eder. “Standart Hyzmat” Bütindünýä banky tarapyndan bäsdeşlikli satyn alyşlaryň netijesinde hakyna tutuldy. Olaryň gatnaşmagy maglumatlaryň anyk we köptaraplaýyn toplanylmagynda ýerli hyzmatdaşlaryň ähmiýetini aýratyn açyp görkezýär. Maliýe we ykdysadyýet ministrligi bu taslamanyň hyzmatdaşy bolup, sowalnama üçin saýlama esasy we degişli kärhanalaryň baş jeminiň sanawy ýaly tehniki maglumatlar bilen üpjün eder.
Goşmaça maglumat almak üçin “Kähanalarda barlag işleri”.maksatnamasynyň web-sahypasyny açyp görüň.
