Emomali Rahmon Merkezi Aziýa ýurtlarynyň Duşanbe şäherinde Senagat ministrleriniň ilkinji duşuşygyny geçirmegi teklip etdi
Astanada geçirilen Merkezi Aziýa döwletleriniň Baştutanlarynyň VI konsultatiw duşuşygynda Täjigistan Respublikasynyň Prezidenti Emomali Rahmon indiki ýyl Duşanbe şäherinde Merkezi Aziýa ýurtlarynyň Senagat ministrleriniň ilkinji duşuşygyny geçirmegi teklip etdi.
Emomali Rahmon çykyşynda söwda we ykdysady gatnaşyklary has-da giňeltmek, oba hojalygy, senagat pudaklarynda aýry-aýry maksatnamalary işläp taýýarlamak we täze tehnologiýalary ornaşdyrmak meselelerine ünsi çekdi.
Şeýle hem, her ýyl geçirilýän “Ekspo – Merkezi Aziýa” sergisini konsultatiw duşuşygyň çäginde geçirmegi maksadalaýyk hasaplady.
Täjigistanyň Respublikasynyň Prezidenti soňky alty ýylda sebitdäki hyzmatdaşlygyň ösüşinden kanagatlanýandygyny mälim edip, dünýäniň çalt üýtgeýän häzirki zaman şertlerinde Merkezi Aziýanyň geljegi barada umumy wezipeleri işlap düzmegiň zerurdygyny aýtdy.
ORIENT news
