Serdar Berdimuhamedowyň we Kasym-Žomart Tokaýewiň arasynda gepleşikler geçirildi
9-njy awgustda Astanada Merkezi Aziýa döwletleriniň baştutanlarynyň VI Konsultatiw duşuşygy geçirilip, Türkmenistanyň we Gazagystanyň Prezidentleriniň arasynda ikitaraplaýyn gepleşikler geçirildi.
Kasym-Žomart Tokaýew Serdar Berdimuhamedowa Sammitiň işine gatnaşmagy üçin öz hoşallygyny bildirmek bilen ýurtlaryň arasyndaky köpugurly hyzmatdaşlygynyň mundan beýläk ösdürilmeginde Türkmenistanyň Prezidentiniň gatnaşmagynyň möhümdigini aýratyn belledi.
"Akorda" saýtynyň habar bermegine görä, Gazagystan Respublikasynyň baştutanynyň Türkmenistanyň Prezidentiniň köptaraply döwletara gatnaşyklary pugtalandyrmakda onuň goldawy hem-de berk maksadaokgunlygy üçin hem öz hoşallygyny bildirdi.
“Hökümetler özara söwdanyň möçberini 1 mlrd dollara ýetirmek babatynda işleri alyp barýarlar. Muny amala aşyrmakda ýurtlarymyzyň ähli mümkinçilikleri bardyr. Energetika, senagat, ulag, logistika we beýleki ugurlardan taslamalar durmuşa geçirilýär” – diýip, Tokaýew belledi.
Serdar Berdimuhamedow Kasym-Žomart Tokaýewe dostlukly kabul edişlik üçin hoşallygyny bildirmek bilen ikitaraplaýyn hyzamatdaşlygynyň çalt depginli ýokary ösüşi barada aýratyn belledi.
“Türkmenistan Gazagystan bilen hyzmatdaşlygyň ösdürilmegine uly üns berýär. Ýurtlarymyzyň arasynda işjeň syýasy gepleşikler ýola goýlan, söwda, ykdysady, medeni we ynsanperwer ugurlarda gatnaşyklar ösdürilýär” – diýip, ýurt baştutany belläp, bu ýylyň güýzünde Gazagystan Respublikasynyň Prezidentiniň Türkmenistana resmi sapar bilen hem-de türkmen şahyry Magtymguly Pyragynyň 300 ýyllyk ýubileýine bagyşlanan Halkara foruma gatnaşmagyna garaşylýar.
Duşuşygyň dowamynda ýurt baştutanlar söwda, ykdysady, energetika, nebit-gaz we ulag-logistika ugurlarda ikitaraplaýyn hyzmatdaşlygy ösdürmegiň mümkinçilikleri barada maslahatlaşdylar. Medeni we ynsanperwer gatnaşyklarynyň giňeldilmegini meselelerine hem aýratyn üns berildi.
ORIENT news
