Türkmenistanda barlaghanalarda biohowpsuzlygy we biogoraglylygy üpjün etmek boýunça okuw sapagy geçirildi
Bütindünýä saglygy goraýyş guramasynyň (BSGG) Türkmenistandaky ýurt boýunça edarasy saglygy goraýyş we weterinariýa gullugynyň wekilleri üçin biohowpsuzlygy we biogoraglylygy üpjün etmek boýunça okuw sapagyny geçirdi.
Aşgabatdaky okuwy sapygyny BSGG-nyň Ýewropa sebitleýin bölüminiň geňeşçileri Gulmira Kalmambetowa we Aleksandr Jaguparow alyp bardy. Bu okuw sapagynyň maksady Türkmenistandaky barlaghanalarda biohowpsuzlygyny we biogoraglylygy berkitmäge gönükdirilendir.
Barlaghana hyzmatlarynyň hili diňe bir aýry-aýry hassalara berilýän lukmançylyk kömeginiň hiline täsir etmän, eýsem her ýurtda ilatyň jemgyýetçilik saglygynyň howpsuzlygy üçin hem möhüm ähmiýete eýedir.
BSGG-nyň ählumumy gözýetiminiň bir bölegi (Barlaghana ulgamlaryny güýçlendirmek baradaky 2008-nji ýylda kabul edilen Maputo Jarnamasyna laýyklykda) barlaghanalary güýçlendirmek, barlaghanalarda milli hil standartlarynyň durmuşa geçirilmegine esaslanmalydyr.
Toplumlaýyn hil dolandyryş ulgamy barlaghanalaryň ykrar edilen biohowpsuzlyk we biogoraglylyk ülňülerine we kadalaryna laýyk gelmegini üpjün edýär. Şunuň bilen baglylykda, Bütindünýä saglygy goraýyş guramasy birnäçe degişli gurallary we okuw kurslaryny döretdi. BSGG-nyň barlaghanalarda biohowpsuzlyk boýunça gollanmasy şolaryň biridir.
ORIENT news
