Derýaplastik: Gurluşyk we oba hojalygy üçin polimer önümlerini öndürmekde öňdebaryjy kärhana
2008-nji ýyldan bäri Derýaplastik kompaniýasy Türkmenistanyň bazarynda öňdebaryjy orny eýeleýän we diňe bir içerki bazaryna däl, eýsem dünýä bazaryna hem gurluşyk materiallary bilen üpjün edýän iň uly kärhanalaryň biridir. Önümçiligiň gysga döwründe kompaniýa uly netijeleri gazandy. Kompaniýa diňe bir “öňdebaryjy kärhana” däl, eýsem “öňdebaryjy eksport ediji” hem boldy. Häzirki wagtda kompaniýanyň önümleri 15 ýurda eksport edilýär. Şu günki söhbetdeşligimiziň myhmany Derýaplastik hojalyk jemgyýetiniň eksport bölüminiň hünärmeni Maksat Genjiýewdir.
Derýaplastik - 2017-nji ýylda Merkezi Aziýada Derýakeramika markasy bilen sanitariýa-tehniki önümlerini öndürmek üçin uly zawody işe girizen Holding kompaniýasydyr. Ýylyderýa - ýokary hilli elektrik suw gyzdyryjylary we alýumin radiatorlaryny öndürmekde ýöriteleşen Derýaplastik kompaniýasynyň bölümidir.
2000-den gowrak görnüşli önüm öndürmek bilen Derýaplastik HJ işini “hil önümçiligi” we “ýokary hilli önümler” ýaly ýörelgelere esaslanýar. Önüm öndürmekde diňe ekologiýa taýdan arassa çig mallar ulanylýar. Kompaniýanyň önümleri ISO 9001 halkara hil dolandyryş ulgamyna laýyklykda birnäçe hil gözegçiliginden geçýär.
Häzirki wagtda Derýaplastik gurluşyk, jemgyýetçilik hyzmatlary, oba hojalygy we sarp ediş harytlaryny öndürmek ýaly ugurlarda işleýär. Sarp edijiniň islegleri we interýer trendleri näçe üýtgese-de, kompaniýanyň elmydama her bir müşderä hödürlemäge zady tapylar.
Habarlaşmak üçin maglumatlar
Salgysy: Türkmenistan, Aşgabat, Ýylgaýa Durdyýew köçesi, 60.
Baş edara: +993 (12) 754313
Bölek satuw söwdasy: +993 (12) 754310
Lomaý söwda: +993 (12) 754311
Eksport: +993 (61) 412289
e-poçta: info@derya.group
Web sahypasynyň salgysy: deryaplastik.com.tm
