Aşgabatda ýaş telekeçiler üçin birnäçe okuw sapaklary geçiriler
Türkmenistanyň Senagatçylar we telekeçiler birleşmesiniň Aşgabat şäher komiteti (TSTB) ýaş telekeçileri 2024-nji ýylyň 29-njy iýulynda başlajak okuw sapaklaryna çagyrýar.
Ýaş telekeçiler üçin aşakdaky tertip boýunça okuwlar geçiriler: Duşenbe, Çarşenbe we Anna günleri - 16:00.
On sapagyň dowamynda gatnaşyjylar Enneagramma usulyny öwrenip bilerler – öz-özüňi tanamak we başgalara düşünmek usuly, telekommunikasiýa pudagynda sosial aragatnaşyk endiklerini we işewürlik endiklerini ösdürip bilerler. Okuwlar tölegsiz bolup her sapak 108 minut dowam eder.
Mundan başga-da, her ýekşenbe güni sagat 11: 00-dan 13: 00-a çenli “Ýaşlary telekeçilige höweslendirmek taslamasy” maksatnamasy boýunça tölegsiz okuwlar geçirilýär.
Okuwlara gatnaşmak üçin adyňyzy we telefon belgiňizi şu elektron poçta ibermeli: yashtelekechilermerkez@gmail.com
Geçirilýän ýeri: Aşgabat şäheri, Türkmenbaşy şaýoly, jaý 81
Sorag-jogap üçin belgisi: +99362010292.
ORIENT news
