Hytaýda HKP MK 20-nji çagyrylyşynyň üçinji mejlisi geçirildi
Pekinde Hytaýyň Kommunistik partiýasynyň Merkezi komitetiniň (HKP MK) 20-nji çagyrylyşynyň üçinji mejlisi geçirildi, diýip Sinhua agentligi habar berýär.
Mejlis 15-18-nji iýul aralygynda MK Syýasy býurosynyň ýolbaşçylyk etmeginde geçirildi.
Mejlise HKP MK 199 agzasy we MK 165 agzalyga dalaşgärler gatnaşdy. Bulardan başga-da ses bermek hukugyna eýe bolan Düzgün-nyzamy barlamak boýunça Merkezi toparyň Hemişelik komitetiniň agzalary, degişli guramalaryň jogapkär ýolbaşçylary, partiýanyň XX çagyrylyşynyň bir bölegi, işji toparlar şeýle hem hünämenler topary we alymlar gatnaşdylar.
Mejlisde, HKP MK Baş sekretary Si Szinpiniň MK Syýasy býurosynyň işiniň netijeleri baradaky hasabaty diňlenildi we ara alnyp maslahatlaşyldy. Şunuň bilen baglylykda, MK Syýasy býurosynyň, HKP MK 20-nji çagyrylyşynyň 2-nji mejlisinden bäri alyp barýan işine oňyn baha berildi.
Mejlisde “Hytaýyň döwrebaplaşdyrylmagyny öňe sürmek üçin özgertmeleri has giňişleýin çuňlaşdyrmak baradaky HKP MK karary” garaldy we kabul edildi.
Mejlisiň jemlerine bagyşlanyp geçirilen press-konferensiýada HKP MK derňew bölüminiň başlygy Tan Fanýi HKP MK 20-nji çagyrylyşynyň üçinji mejlisiň gün tertibiniň ähli meseleleriniň üstünlikli ýerine ýetirilendigini habar berdi.
ORIENT news
