9-njy iýulda Aşgabatda boş iş orunlarynyň ýarmarkasy geçiriler
9-njy iýulda Aşgabatda Türkmenistanyň Senagatçylar we telekeçiler partiýasynyň binasynda boş iş orunlarynyň ýarmarkasy geçiriler.
Çäre Aşgabat şäheriniň Zähmet we ilatyň iş bilen üpjünçiligi müdirligi, Bagtyýarlyk, Berkararlyk, Büzmeýin, Köpetdag etraplarynyň Zähmet we ilatyň iş bilen üpjünçiligi bölümleri, şeýle hem Türkmenistanyň Senagatçylar we telekeçiler partiýasynyň Aşgabat şäher komiteti tarapyndan bilelikde guralar.
Boş iş orunlarynyň ýarmarkasy sagat 09:00-dan 12:00-a çenli şu salgyda geçiriler: S.Türkmenbaşy şaýoly, 81.
Guramaçylar edaralary, guramalary we kompaniýalary boş iş orunlary barada maglumaty çärä hödürlemäge çagyrýarlar.
Iş tapmak isleýän raýatlaryň ýanynda pasporty we zähmet depderçesi bolmaly.
Has giňişleýin maglumat üçin Zähmet we ilatyň iş bilen üpjünçiligi müdirligine ýüz tutuň:
Aşgabat şäheri (Seýitnazar Seýdi köçesi, 3), 92-14-56;
Bagtyýarlyk etraby (Bekrewe, 2211-nji köçe, 25), 37-46-68;
Berkararlyk etraby (Bekrewe, 2211-nji köçe, 25), 37-46-67;
Büzmeýin etraby (Oguzhan köçe, 8), 33-12-69;
Köpetdag etraby (Seýitnazar Seýdi köçe, 3), 92-15-26;
Türkmenistanyň Senagatçylar we telekeçiler partiýasynyň Aşgabat şäher komiteti (S.Türkmenbaşy şaýoly, 81), 22-74-07.
ORIENT news
