Türkmenistanda BAE-nyň gatnaşmagynda bahasy $5 mlrd bolan 138 sany maýa goýum taslamasy hasaba alyndy
Birleşen Arap Emirlikleri şu ýylyň ýanwar-aprel aýlarynda Türkmenistanyň daşary söwda dolanyşygynda 5-nji orny eýeledi we bu döwürde söwda dolanyşygy geçen ýylyň degişli döwri bilen deňeşdirilende 6,3% ýokarlandy. 2024-nji ýylyň 1-nji martyna çenli umumy bahasy 5 milliard dollardan gowrak bolan BAE kärhanalarynyň gatnaşmagynda 138 sany maýa goýum taslamasy hasaba alyndy diýip, Türkmenistanyň Söwda-senagat edarasynyň başlygy Mergen Gurdow 25-nji iýunda sişenbe güni Aşgabatda geçirilen “Türkmenistan — Birleşen Arap Emirlikleri” işewürlik maslahatynda eden çykyşynda belledi.
Onuň pikiriçe, häzirki wagtda Türkmenistan bilen BAE-nyň arasyndaky işewür gatnaşyklary täze derejä çykarmak üçin uly mümkinçilikler açylýar. Söwda we senagat edarasynyň bu mümkinçilikleri döretmekde we durmuşa geçirmekde, içerki telekeçiligi ösdürmekde we eksporty artdyrmakdaky ornuny bellän Gurdow, kongresiň we sergi çäreleriniň ähmiýetini belläp, Birleşen Arap Emirliklerinden bolan hyzmatdaşlaryny bu ugurda ýakyn wagtda Aşgabatda boljak möhüm çärelerine gatnaşmaga çagyrdy.
Olaryň arasynda maglumat tehnologiýasy we aragatnaşyk pudagyndaky ösüşlere bagyşlanan “Türkmentel” sergisi, “Türkmenistanyň gurluşygynyň, senagatynyň, energetikasynyň ösüşi”, “Türkmenistanyň nebit we gazy – 2024" atly halkara maslahaty we sergisi, şeýle hem 19-20-nji sentýabr aralygynda geçiriljek Türkmenistanyň halkara maýa goýum forumy bar.
ORIENT news
