TDHÇB-de söwdalar: «Türkmennebit» we «Türkmenpagta» DK-nyň önümleri islegden peýdalandy
Duşenbe güni, 24-nji iýunda, Türkmenistanyň Döwlet haryt-çig mal biržasynyň söwdalarynda «Türkmennebit» we «Türkmenpagta» DK-nyň önümleri ýerlenildi.
Türkiýäniň, Owganystanyň we Özbegistanyň telekeçileri «BND 60/90» kysymly nebit ýol bitumyny, «SN-180» kysymly başlangyç ýagyny hem-de gidro usulda arassalanan dizel ýangyjyny satyn almak boýunça «Türkmennebit» döwlet konserni bilen geleşikleri baglaşdylar.
Türkmenistanyň işewür toparlarynyň wekilleri «Türkmenpagta» döwlet konserninden pagta übtügini satyn aldylar.
Söwdalaryň dowamynda jemi bahasy 62 636 295 manada deň bolan 5 we ABŞ-nyň 6 470 875 dollaryna barabar bolan 6 geleşik baglaşyldy.
Türkmenistanyň Döwlet haryt-çig mal biržasynyň kotirowkalary bilen şu salgyda tanşyp bilersiňiz.
ORIENT news
