Aşgabatda Çagalary goramagyň halkara güni mynasybetli «Çagalaryň gaýa festiwaly» geçiriler
Aşgabatdaky «Älem» medeni-dynç alyş merkezinde Çagalary goramagyň halkara güni mynasybetli «Çagalaryň gaýa festiwaly» geçiriler. Bu çäre Türkmenistanyň Magtymguly adyndaky Ýaşlar guramasynyň Çagalar gaznasynyň goldaw bermeginde «Agama» alpinizm kluby tarapyndan guralar.
Senesi we wagty: 2-nji iýun (ýekşenbe güni) 10:00-dan 14:00-a çenli.
Festiwalyň maksatnamasy eminleriň gözegçiliginde dyrmyşylýan emeli daga çykmagy öz içine alýar. 5 ýaşdan 13 ýaşa çenli çagalar gaýalara dyrmaşmak boýunça başlangyç endikleri öwrenip, mümkinçiliklerini görkezip bilerler.
Ýeňijilere we gatnaşyjylara şahadatnamalar gowşurylar.
Gatnaşmak üçin deslapky ýüztutmany (+993 65) 81-13-55 telefon arkaly tabşyrmaly. Ýanyňyzda dogluş hakynda şahadatnamaňyz (göçürmesi), sport eşikleri we çalyşmak üçin arassa aýakgabyňyz bolmaly.
ORIENT news
