«Apple» garaşylmadyk sowgat taýýarlaýar: täze önümleriň tanyşdyrylyşy 7-nji maýda!
7-nji maýda «Apple» nobatdaky çäresini geçirer, onuň dowamynda täze «iPad» enjamlarynyň tanyşdyrylmagyna garaşylýar. Çärä çakylyklar eýýäm iberildi, mahabat şekillerinde bolsa «Apple Pencil» elektron galamy ýerleşdirilipdir, munuň özi bu ugurdaky täze önümlere degişli aýdyň yşaratdyr.
2024-nji ýyldaky «iPad Pro» enjamlarynyň 2021-nji ýyla degişli, «M1» çipleri bilen işleýän nusgalar bilen deňeşdirilende, köp sanly täzelenmelere eýe bolmagyna garaşylýar. Täze enjamlar «M3» prosessorlary, has inçe çarçuwaly OLED displeýleri, kämilleşdirilen dizaýn we ähtimal, «MagSafe» simsiz zarýad beriji bilen üpjün edilip biler. Mundan başga-da, «Apple» kompaniýasy «Apple Pencil» elektron galamyny we has uly trekpadly, alýumin korpusly täzelenen «Magic Keyboard» klawiaturasyny tanyşdyryp biler.
«IPad Pro-dan» başga-da, çärede «iPad Air» enjamynyň täzelenen nusgalary, şol sanda onuň täze 129 dýuýmlyk nusgasy görkezilip bilner. Täze «iPad Air-iň» «M2» çipleri bilen üpjün edilmegine garaşylýar.
«Bloomberg» neşiriniň hünärmeni Mark Gurmanyň soňky hasabatyna görä, «Apple» dükanlarynda häzirki «iPad Air» enjamlarynyň sany azalýar, bu täze önümleriň ýakyn wagtda yglan ediljekdigini tassyklap biler.
Goşmaça:
Senesi: 2024-nji ýylyň 7-nji maýy.
Wagty: Ýuwaş umman wagty bilen 7:00.
Formaty: Onlaýn ýaýlym.
Nirede tomaşa etmeli:
«Apple» kompaniýasynyň resmi saýty: https://www.apple.com/store
ORIENT news
