EYR-nyň DIM - Eýranyň Prezidentiniň Aşgabada boljak saparyna taýýarlyk görülýär
Eýranyň Prezidentiniň Aşgabat şäherine boljak saparyna taýýarlyk işleri görülýär. Bu barada Eýranyň daşary işler ministri Hosein Amir Abdollahiýan Türkmenistana eden saparynyň netijeleri boýunça žurnalistlere aýtdy. Ol iki tarapyň hem Tähranda geçirilen duşuşykda iki ýurduň döwlet Baştutanlary tarapyndan ylalaşylan şertnamalary ýerine ýetirmekde öňegidişlige görýändigini belledi.
Dürli syýasy, ykdysady we medeni ugurlarda Eýran bilen Türkmenistanyň arasyndaky ikitaraplaýyn gatnaşyklar amatly şertlerde iki ýurduň arasynda gaz, elektrik energiýasy, suw, ulag geçelgesi we söwda ugurlaryndaky hyzmatdaşlyk ösýär diýip, Eýranyň Daşary işler ministri Türkmenistanda metbugat maslahatynda aýtdy.
Penşenbe güni Amir Abdollahiýan Türkmenistanyň Prezidenti Serdar Berdimuhamedow we Halk Maslahatyň Başlygy Gurbanguly Berdimuhamedow bilen duşuşyp, olar bilen köp sanly meseleleri ara alyp maslahatlaşdy.
28-nji martda ol türkmen kärdeşi Raşid Meredow bilen hem duşuşdy. Taraplar ikitaraplaýyn gatnaşyklaryň dürli taraplary, sebitleýin we halkara derejesindäki wakalar barada pikir alyşdylar.
Diplomatlar iki ýurduň arasynda energetika, üstaşyr geçelgeleri we ulag ugurlaryndaky hyzmatdaşlygy giňeltmegiň ýollaryny, sebit derejesinde suw baýlyklaryny dolandyrmak meselesini ara alyp maslahatlaşdylar. Şeýle hem, Hazarýaka ýurtlarynyň arasyndaky hyzmatdaşlygy ara alyp maslahatlaşyldy. Eýran 3-nji Hazar ykdysady forumyny geçirmäge taýýardygyny mälim etdi.
Raşid Meredow Hazar deňzinde ykdysady hyzmatdaşlygy giňeltmek boýunça çykyş edip, Hazar deňzini parahatçylyk, düşünişmek we hyzmatdaşlyk deňzi diýip atlandyrdy.
Aşgabatdaky "Nournews"-yň habarçysynyň berýän habaryna görä, Abdollahiýan metbugat duşuşygynda ýakyn wagtda " biz Eýran bilen Türkmenistanyň arasyndaky söwdanyň ep-esli ýokarlanmagyna şaýat bolarys" diýdi.
ORIENT news
