BMGMM meýletinçilik barada fotosurat bäsleşigini geçirýär
Birleşen Milletler Guramasynyň Meýletinçiler maksatnamasy (BMGMM) «Meýletinçilik» temasy boýunça fotosurat bäsleşigine gatnaşmaga çagyrýar. Bäsleşik Merkezi Aziýada meýletinçiligiň ýagdaýyna ilkinji sebitleýin syn taýýarlamagyň çäklerinde geçirilýär.
Bäsleşigiň şertleri:
• Fotosuratlar Gazagystanda, Gyrgyzystanda, Täjigistanda, Türkmenistanda, Özbegistanda meýletinçileri görkezmek bilen, meýletinçilik temasyny şöhlelendirmeli;
• Iberilen suratlarda durnukly ösüş boýunça dürli çärelere we taslamalara gatnaşýan meýletinçileri görkezilmeli;
• Bäsleşige gatnaşyjylar taslamanyň beýanyny bermelidir we tabşyrylan fotosuratlarda şöhlelendirilen meýletinçileriň gatnaşan ýurduny (şäherini) görkezmelidir.
Ýeňijiler iň gowy ylham beriji surat, iň gowy hereketiň suraty, iň gowy raýdaşlyk suraty ýaly ugurlar boýunça saýlanar. Olara şahadatnamalar gowşurylar we Birleşen Milletler Guramasynyň Meýletinçiler maksatnamasy tarapyndan guralýan çärelere çagyrylar.
Bäsleşige gatnaşmak üçin 31-nji marta çenli degişli maglumatnamany doldurmaly.
Bäsleşige gatnaşmak barada has giňişleýin maglumaty fatma.ertoy@unv.org saýtyndan alyp bilersiňiz.
ORIENT news
