Türkmenistanly mekdep okuwçylary Malaýziýada geçirilen iňlis dili boýunça halkara olimpiadasynda ýeňiji boldular
Türkmenistanly mekdep okuwçylary 18 – 25-nji fewral aralygynda Malaýziýanyň paýtagty Kuala-Lumpur şäherinde geçirilen «TeenEagle» atly iňlis dili boýunça halkara olimpiadasynda ýeňiji boldular.
Türkmenistanyň ýygyndysy 6 altyn, 5 kümüş we 11 bürünç medal gazandy. Şeýle hem türkmenistanly mekdep okuwçylarynyň 10-sy iň ýokary baýraga – olimpiadanyň Baş baýragyna eýe boldular.
Olimpiada bütin dünýäden jemi müňden gowrak okuwçy gatnaşyp, üç ýaş toparynda – kiçi, orta we uly ýaş toparlarynda dil bilimi boýunça başarnyklaryny görkezdiler.
«TeenEagle» – bu 8 – 18 ýaş aralygyndaky mekdep okuwçylary üçin iňlis dili boýunça halkara olimpiadasydyr. Olimpiada iki esasy tapgyrdan ybarat: onlaýn tapgyr we dünýäniň üç döwletinde, şol sanda Malaýziýada geçirilýän ählumumy final.
«TeenEagle» olimpiadasynyň esasy wezipesi – ýetginjeklere oňyn ählumumy özgerişler üçin katalizator bolmak mümkinçiligini döretmekdir.
ORIENT news
