Sebitleýin düzme ýazmak bäsleşigi: Dünýäde parahatçylygy we howpsuzlygy gorap saklamakda halkara ynsanperwer hukugynyň ähmiýeti
Türkmenistanyň Daşary işler ministrliginiň Halkara gatnaşyklary instituty "Dünýäde parahatçylygy we howpsuzlygy gorap saklamakda halkara ynsanperwer hukugynyň ähmiýeti" atly sebitleýin düzme (esse) ýazmak bäsleşigini yglan edýär.
Gatnaşyjylar
Döredijilik bäsleşigine gatnaşmaga Merkezi Aziýa döwletleriniň, ýagny Türkmenistanyň, Gazagystanyň, Gyrgyzystanyň, Täjigistanyň we Özbegistanyň ýokary okuw mekdeplerinde bilim alýan talyp ýaşlar we magistrler çagyrylýar.
Bäsleşigiň maksady
Bäsleşigiň baş maksady alkara ynsanperwer hukugynyň binýatlaýyn ýörelgelerini öz içine alýan bilimleri ilat köpçüliginde giňden wagyz etmekden we ýaýratmakdan ybaratdyr.
Gatnaşmagyň düzgünleri
Bäsleşige diňe bir şahs tarapyndan ýazylan bir awtorlyk iş kabul edilýär. Toparlaýyn taýýarlanylan işler kabul edilmeýär. Tabşyryljak işler diňe rus dilinde ýazylan bolmalydyr.
Nädip gatnaşmaly?
Döredijilik bäsleşigine gatnaşmak üçin ýazylan düzmeler, awtor baradaky maglumatlar bilen birlikde 15-nji aprele çenli hhkafedra@gmail.com elektron poçta salgysyna ugradylmalydyr.
Bäsleşigiň jemleri
Bäsleşigiň jemleri baradaky maglumatlar Institutyň web-saýtynda 1-nji maýda ýerleşdiriler. Ýeňiji bolan awtorlaryň işleri "Türkmenistanyň daşary syýasaty we diplomatiýasy" atly ylmy-amaly žurnalda neşir ediler.
Has doly maglumaty institutyň saýtyndan alyp bilersiňiz.
ORIENT news
