Türkmenistan gazak bugdaýyny iň köp import edýän ýurtlaryň biri boldy
Türkmenistan gazak bugdaýyny iň köp satyn alan 3 ýurduň biri boldy. Degişli maglumatlar “EnergyProm” neşiriniň 2023-nji ýylyň 11 aýynda geçirilen gallanyň satyn alnyşyň ösüş görkezijileriniň esasynda mälim edilýär.
Şeýlelikde, Türkmenistan degişli döwürde umumy bahasy 173 million dollara golaý bolan 528,1 müň tonna gallany Gazagystandan import etdi. Täjigistan bu sanawda ikinji ýeri eýeledi. Respublika 231 million dollarlyk 888,2 müň tonna bugdaý satyn aldy. Gazagystandan galla import etmekde Özbegistan öňdebaryjy boldy. Goňşy döwlet jemi bahasy 745 million dollar bolan 3,3 million tonna gallany satyn aldy.
Degişli döwürde Gazagystanyň bugdaý eksportynyň umumy mukdary pul hasabynda 1,7 milliard dollara ýa-da 6,7 million tonna deň boldy. Bu görkezijiler bilen Gazagystan bugdaýy eksport etmekde Merkezi Aziýa sebitinde birinji, GDA döwletlerinde hem öňdebaryjy orny eýeleýär.
ORIENT news
