11-nji synp mekdep okuwçylary olimpiada gatnaşmaga çagyrylýar
11-nji synp mekdep okuwçylary Türkmenistanyň taryhy, matematika, iňlis we türkmen dilleri boýunça «Watanyň daýanjy – bilimli ýaşlar, Arkadagly Gahryman Serdaryň guwanjy ýaşlar!» atly olimpiada gatnaşmaga çagyrylýar.
Olimpiada Halkara bilimler güni mynasybetli Türkmenistanyň Daşary işler ministrliginiň Halkara gatnaşyklary institutynyň we Magtymguly adyndaky Ýaşlar Guramasynyň Merkezi geňeşiniň guramagynda geçirilýär.
Olimpiada iki tapgyrdan ybarat bolup, ol ýurdumyzyň dürli künjeklerinde geçiriler.
Gatnaşmaga isleg bildirýänler 20-nji marta çenli degişli maglumaty hgi.charetm@gmail.com elektron poçtasyna ugratmalydyr.
Doly maglumat bilen Türkmenistanyň Daşary işler ministrliginiň Halkara gatnaşyklary institutynyň saýtynda tanşyp bilersiňiz.
Habarlaşmak üçin: (+993 64) 03-71-76 ýa-da hgi.charetm@gmail.com
ORIENT news
